नाशिक (इंडिया दर्पण वृत्तसेवा)- लग्नाचे आमिष दाखवून मुंबईतील एका छायाचित्रकाराने तरूणीवर वेळोवेळी बलात्कार केल्याचा प्रकार समोर आला आहे. हातऊसनवार दिलेले पैसे मागितल्याने संतप्त संशयिताने युवतीसमवेत काढलेले अश्लिल फोटो व व्हिडीओ सोशल मीडियावर व्हायरल केल्याने हा प्रकार पोलीसात पोहचला असून, याप्रकरणी पंचवटी पोलीस ठाण्यात बलात्कार व आयटीअ‍ॅक्ट नुसार गुन्हा दाखल करण्यात आला आहे.
जयेश रजनीकांत जोशी (३५ रा.मंगलकुंज जवळ बोरीवली पूर्व मुंबई) असे गुन्हा दाखल करण्यात आलेल्या संशयिताचे नाव आहे. मखमलाबाद नाका भागात राहणा-या पीडितेने याबाबत फिर्याद दिली आहे. डिसेंबर २०२२ मध्ये दोघांमध्ये ओळख झाली होती. गोरेगाव येथील ओबेरॉय थिएटरमध्ये छायाचित्रकार असल्याचे भासविल्याने दोघांच्या मैत्रीचे रूपांतर प्रेमात झाले. एप्रिल २०२३ मध्ये गोरेगाव थिएटरमध्ये संशयिताने तरूणीचा विनयभंग केला होता. याबाबत युवतीने जाब विचारला असता संशयिताने लग्न करण्याचे आमिष दाखवत तिचा विश्वास संपादन केला. त्यानंतर तिला शेजारील लॉजमध्ये घेवून जात बलात्कार केला. यावेळी दोघांनी काढलेल्या अश्लिल फोटो व व्हिडीओ व्हायरल करण्याची धमकी देत त्याने ब्लॅकमेल केले. शहरातील मखमलानाका भागातील तरूणीचे घर गाठून वेळोवेळी तिच्यावर बलात्कार केला.
हा प्रकार गेली दोन अडिच वर्षापासून सुरू होता. याच दरम्यान संशयिताने तरूणीकडून हातउसनवार दीड लाख रूपये देण्यास टाळाटाळ केल्याने हा प्रकार घडला. वेळोवेळी मागणी करूनही तो पैसे देत नसल्याने युवतीने लग्नास नकार देवून त्यास सोडचिठ्ठी दिली होती. मात्र संतप्त झालेल्या संशयिताने युवतीस गाठून शिवीगाळ करीत तिला जीवे ठार मारण्याची धमकी दिली. त्यामुळे पीडितेने विलेपार्ले पोलीस ठाण्यात जावून रितसर तक्रार दाखल केली. याबाबत माहिती मिळताच संशयिताने संशयिताने दोघांचे खासगी फोटो व व्हिडीओ इन्स्टाग्राम व फेसबुक या सोशल साईडवर व्हायरल केल्याने हा प्रकार पोलीसात पोहचला आहे. अधिक तपास उपनिरीक्षक कैलास जाधव करीत आहेत.
