नाशिक (इंडिया दर्पण वृत्तसेवा)- विवाहीतेस आत्महत्येस प्रवृत्त केल्याप्रकरणी पतीसह सासरच्या मंडळीविरोधात अखेर गुन्हा दाखल करण्यात आला आहे. मृत महिलेच्या वडिलांनी याबाबत म्हसरूळ पोलीस ठाण्यात फिर्याद दिली असून त्यात घटस्फोट द्यावा या मागणीसाठी छळ केल्याचा आरोप करण्यात आला आहे.
पती शंतनू राजेंद्र जोशी, सासू विद्या राजेंद्र जोशी व नणंद दिप्ती राजेंद्र जोशी (रा.सर्व सटाणा जि.नाशिक) अशी गुन्हा दाखल करण्यात आलेल्या संशयितांची नावे आहे. रासबिहारी मेरी लिंकरोड भागात ही घटना घडली होती. संकेता शंतणू जोशी (३१ रा.अमृतयोग अपा.श्रीपाद कॉलनी प्रमोद महाजन गार्डन जवळ) या विवाहीतेने सोमवारी (दि.२५) सायंकाळच्या सुमारास अज्ञात कारणातून आपल्या राहत्या घरातील बेडरूममध्ये पंख्यास दोरी बांधून गळफास लावून घेतला होता. पतीसह सासू व नणंद गेली सहा ते सात वर्षापासून मुलीचा मानसिक व शारिरीक छळ करीत होते असा आरोप फिर्यादी शेखर मिठसागर यांनी केला आहे.
सन. २०१८ पासून घरकाम येत नाही तसेच गर्भपातामुळे मुलबाळ होणार नाही त्यामुळे घटस्फोट दे अशी मागणी संशयिताकडून होवू लागल्याने तिने नैराश्यातून आत्महत्या केल्याचा आरोप करण्यात आला आहे. अधिक तपास उपनिरीक्षक सचिन मद्रुपकर करीत आहेत.
