नाशिक (इंडिया दर्पण वृत्तसेवा)- शहरात मुली बेपत्ता होण्याचे प्रमाण वाढले असून वेगवेगळया भागात राहणा-या दोन अल्पवयीन मुली काही दिवसांपासून बेपत्ता आहे. सदर मुलींच्या पालकांनी त्यांना कुणी तरी पळवून नेल्याचा अंदाज वर्तविला असून याबाबत अंबड व उपनगर पोलीस ठाण्यात अपहरणाचे गुन्हे दाखल करण्यात आले आहेत.
सिडकोतील उत्तम नगर भागात राहणारी अल्पवयीन मुलगी गुरूवारी (दि.३१) रात्री पासून बेपत्ता आहे. तिला कुणी तरी फुस लावून पळवून नेल्याचा अंदाज वर्तविण्यात येत असून याप्रकरणी अंबड पोलीस ठाण्यात गुन्हा दाखल करण्यात आला आहे. अधिक तपा उपनिरीक्षक उंडे करीत आहेत.
दुसरी घटना नाशिकरोड परिसरात घडली.विहीतगाव येथील अल्पवयीन मुलगी शुक्रवारी (दि.१) सकाळ पासून बेपत्ता आहे. तिलाही कुणी तरी पळवून नेल्याचा अंदाज पालकांनी वर्तविला असून याप्रकरणी उपनगर पोलीस ठाण्यात गुन्हा दाखल करण्यात आला आहे. अधिक तपास उपनिरीक्षक सपकाळे करीत आहेत.
