नाशिक (इंडिया दर्पण वृत्तसेवा) – सातपुर येथे घटस्थापनेच्या दिवशी सात ते आठ जणांच्या टोळक्याने एकावर कोयत्याने हल्ला घेतल्याची घटना घडली आहे. अतुल मधुकर खरे या तरुण या हल्यात गंभीर जखमी झाला आहे. या घटनेमुळे सातपुरमध्ये खळबळ निर्माण झाली आहे.
नाशिकमध्ये पुन्हा कोयता गँग सक्रीय झाली असून जेलरोड भागात कोयताधारी त्रिकुटाने शिवीगाळ करीत दहशत माजविल्याचा प्रकार समोर आला आहे. परिसरात दबदबा कायम ठेवण्यासाठी त्रिकुटाने धावत्या कारवर कोयता मारून नुकसान केले असून, याबाबत जाब विचारणा-या दांम्पत्यास शिवीगाळ करीत जीवे मारण्याची धमकी दिल्याने हा प्रकार पोलीसात पोहचला आहे. याप्रकरणी उपनगर पोलीस ठाण्यात गुन्हा दाखल करण्यात आला आहे. साहिल उनवणे व त्याचे दोन साथीदार अशी गुन्हा दाखल करण्यात आलेल्या संशयितांची नावे आहेत. याबाबत प्रशांत गांगुर्डे (रा.पेंढारकर कॉलनी,जेलरोड ) यांनी याबाबत फिर्याद दिली आहे.
