नाशिक (इंडिया दर्पण वृत्तसेवा)- अशोका मार्ग भागात झालेल्या धाडसी घरफोडीत चोरट्यांनी सुमारे पावणे नऊ लाखाच्या ऐवजावर डल्ला मारला. त्यात एक लाखाच्या रोकडसह सोन्याचांदीच्या दागिण्यांचा समावेश आहे. याप्रकरणी मुंबईनाका पोलीस ठाण्यात गुन्हा दाखल करण्यात आला आहे.
फिरोज शौकत शहा (रा.अशोका मार्ग) यांनी याबाबत फिर्याद दिली आहे. शहा कुटुंबिय गेल्या बुधवारी (दि.१८) दोन दिवसांसाठी बाहेरगावी गेले असता ही घटना घडली. अज्ञात चोरट्यांनी त्यांचे बंद घर फोडून बेडरूममधील कपाटात ठेवलेली रोकड व सोन्याचांदीचे दागिणे असा सुमारे ८ लाख ७५ हजार रूपये किमतीचा ऐवज चोरून नेला. अधिक तपास हवालदार गाढवे करीत आहेत.
धारदार सुरा बाळगणा-यास पोलीसांनी ठोकल्या बेड्या
नाशिक (इंडिया दर्पण वृत्तसेवा)- धारदार सुरा बाळगणा-या एकास पोलीसांनी बेड्या ठोकल्या. संशयिताच्या ताब्यातून लोखंडी सुरा हस्तगत करण्यात आला असून याप्रकरणी भद्रकाली पोलीस ठाण्यात गुन्हा दाखल करण्यात आला आहे.
इरफान आरीफ शेख (रा.सय्यद पिरबाबा दर्गासमोर,श्रमिकनगर गंजमाळ) असे गुन्हा दाखल करण्यात आलेल्या संशयित सुराधारीचे नाव आहे. पिरबाबा दर्गा भागात एका तरूणाकडे धारदार शस्त्र असल्याची माहिती भद्रकाली पोलीसांना मिळाली होती. त्यानुसार सोमवारी (दि.२३) दुपारी पथकाने धाव घेत संशयिताच्या मुसक्या आवळल्या. त्याच्या अंगझडतीत धारदार लोखंडी सुरा मिळून आला आहे.
याबाबत अंमलदार जावेद शेख यांनी दिलेल्या फिर्यादीवरून गुह्याची नोंद करण्यात आली असून अधिक तपास हवालदार प्रभाकर आहेर करीत आहेत.
