नाशिक (इंडिया दर्पण वृत्तसेवा)- शहरात वाहनचोरीचे सत्र सुरूच असून वेगवेगळया भागातून नुकत्याच तीन मोटारसायकली चोरट्यांनी चोरून नेल्या. याबाबत सरकारवाडा अंबड व गंगापूर पोलीस ठाण्यात गुन्हे दाखल करम्यात आले आहेत.
पोलीसांनी दिलेल्या माहितीनुसार महेश गणेश कमटम (रा.लोखंडे मळा,दिंडोरीरोड) हे बुधवारी (दि.१८) मेळा बसस्थानक परिसरात गेले होते. पार्किंगमध्ये लावलेली शाईन एमएच १५ एफइ ४३५८ मोटारसायकल चोरट्यांनी चोरून नेली. याबाबत सरकारवाडा पोलीस ठाण्यात गुन्हा दाखल करण्यात आला असून अधिक तपास हवालदार महाले करीत आहेत.
दुसरी घटना औद्योगीक वसाहतीतील शिवाजीनगर भागात घडली. मंगेश भाऊसाहेब चौरे (रा.निगळ पार्क शिवाजीनगर) यांनी याबाबत फिर्याद दिली आहे. चौरे यांची एमएच १५ डीई १५१० गेल्या शुक्रवारी (दि.७) रात्री त्यांच्या इमारतीच्या पार्किंगमध्ये लावलेली असतांना ती चोरट्यांनी पळवून नेली. याबाबत गंगापूर पोलीस ठाण्यात गुन्हा दाखल करण्यात आला असून अधिक तपास हवालदार बागुल करीत आहेत.
तिसरी घटना सिडकोतील सावतानगर भागात घडली. गंगाधर निंबा बागुल (रा.बजरंग चौक,सावतानगर) यांनी याबाबत फिर्याद दिली आहे. बागुल यांची एमएच १५ एफएस ८३७२ मोटारसायकल सोमवारी (दि.१६) रात्री त्यांच्या घरासमोर लावलेली असतांना ती चोरट्यांनी चोरून नेली. याबाबत अंबड पोलीस ठाण्यात गुन्हा दाखल करण्यात आला असून अधिक तपास उपनिरीक्षक साळुखे करीत आहेत.
