नाशिक (इंडिया दर्पण वृत्तसेवा)- लग्नाचे आमिष दाखवून एकाने तरूणीवर बळजबरीने बलात्कार केल्याचा प्रकार समोर आला आहे. गेल्या सात वर्षांच्या प्रेमप्रकरणानंतर युवतीने लग्नासठी तगादा लावला असता, संशयिताने टाळाटाळ केल्याने हा प्रकार पोलीसात पोहचला आहे. याप्रकरणी म्हसरूळ पोलीस ठाण्यात गुन्हा दाखल करण्यात आला आहे.
मयुर आहिरे (मुळ रा. वडाळी ता.नांदगाव हल्ली ठाणे) असे गुन्हा दाखल करण्यात आलेल्या संशयिताचे नाव आहे. एकतानगर भागात राहणा-या तरूणीने याबाबत फिर्याद दिली आहे. २०१८ मध्ये तरूणीची संशयिताशी भेट झाली होती. यानंतर दोघांमधील मैत्रीचे रूपांतर प्रेमात झाल्याने हा प्रकार घडला. लग्न करण्याचे आमिष दाखविल्याने तरूणी संशयिताच्या भूलथापांना बळी पडली.
या काळात संशयिताने वेळोवेळी तिच्यावर बळजबरीने बलात्कार केला असून, मुलीने लग्नासाठी तगादा लावला असता संशयिताने दमदाटी करीत टाळाटाळ केल्याने हा प्रकार पोलीसात पोहचला आहे. अधिक तपास उपनिरीक्षक मयुरी तुरे करीत आहेत.
