नाशिक (इंडिया दर्पण वृत्तसेवा)- शहरात वाहनचोरीचे सत्र सुरूच असून, वेगवेगळया भागातून पाच मोटारसायकली चोरट्यांनी नुकत्याच पळवून नेल्या. याप्रकरणी आडगाव,मुंबईनाका सरकारवाडाव नाशिकरोड पोलीस ठाण्यात गुन्हे दाखल करण्यात आले आहेत.
पोलीसांनी दिलेल्या माहितीनुसार गिरीश सुहास कोठावदे (रा.ओझर ता.निफाड) हे गेल्या बुधवारी (दि.४) तपोवनात गेले होते. रामसृष्टी गार्डन परिसरात लावलेली त्यांची स्प्लेंडर एमएच ४१ एएफ ६१४१ चोरट्यांनी चोरून नेली. याबाबत आडगाव पोलीस ठाण्यात गुन्हा दाखल करण्यात आला असून अधिक तपास हवालदार राजूळे करीत आहेत.
दुसरी घटना मुंबईनाका भागात घडली. सर्वेश कुमार (रा.कामठवाडा) यांनी याबाबत फिर्याद दिली आहे. सर्वेश कुमार शनिवारी (दि.१४) सकाळी मुंबईनाका भागातील बँकेत गेले होते. बॅकेच्या पार्किंगमध्ये लावलेली त्यांची युनिटकॉर्न एमएच १५ जीक्यू ०८२७ चोरट्यांनी चोरून नेली. याबाबत मुंबईनाका पोलीस ठाण्यात गुन्हा दाखल करण्यात आला असून अधिक तपास पोलीस नाईक जाधव करीत आहेत.
तिसरी घटना ठक्कर बाजार बसस्थानक आवारात घडली. याबाबत रविंद्र शिवाजी देवरे (रा.जनता राजा कॉलनी,मखमलाबादरोड) यांनी याबाबत फिर्याद दिली आहे. देवरे गुरूवारी (दि.१२) सकाळी ठक्कर बाजार बसस्थानकात गेले होते. आवारातील पार्किंगमध्ये लावलेली त्यांचया एमएच १५ एफए ४४०९ स्कुटी चोरट्यांनी पळवून नेली. चौथा प्रकार याच ठिकाणी घडला. याबाबत तुषाप दौलत पाटील (रा.आनदवली) यांनी फिर्याद दिली आहे.
चौथ्या घटनेत पाटील यांची एमएच ४१ पीएन ४९२० ठक्कर बाजार बसस्टॅण्ड परिसरातून चोरट्यांनी चोरून नेली. हा प्रकार गेल्या ३ जून रोजी घडला दोन्ही घटनांप्रकरणी सरकारवाडा पोलीस ठाण्यात वेगवेगळे गुन्हे दाखल करण्यात आले असून अधिक तपास हवालदार साबळे व गायकवाड करीत आहेत. तर पाचव्या घटनेत निखील रामदास कदम (रा.म्हसोबा मंदिर समोर देवळालीगाव) यांची एमएच ४१ बीएन ६६३२ मोटारसायकल गेल्या रविवारी (दि.१५) रात्री परिसरातील कन्हैय्यालाल संकुल भागात लावलेली असतांना ती चोरट्यांनी चोरून नेली. याबाबत नाशिकरोड पोलीस ठाण्यात गुन्हा दाखल करण्यात आला असून अधिक तपास हवालदार शेख करीत आहेत.
