नाशिक (इंडिया दर्पण वृत्तसेवा)- मतीमंद अल्पवयीन मुलास फिरण्याच्या बहाण्याने घेवून जात दोघांनी बलात्कार केल्याचा प्रकार समोर आला. औषोधपचानंतर हा प्रकार समोर आल्याने कुटुंबियांनी पोलीसात धाव घेतली असून याप्रकरणी भद्रकाली पोलीस ठाण्यात गुन्हा दाखल करण्यात आला आहे. या घटनेची दखल घेत पोलीसांनी दोघांना ताब्यात घेतले आहे.
जावेद उर्फ अल्लू बशीर (२०) व साहिल राजू शहा (२४ रा.दोघे भद्रकाली जुने नाशिक) अशी अटक करण्यात आलेल्या संशयितांची नावे आहेत. जुने नाशिक परिसरात राहणा-या महिलेने याबाबत फिर्याद दिली आहे. महिलेचा १७ वर्षीय मुलगा जन्मताच मतीमंद असून गेल्या सोमवारी (दि.९) त्यास संशयित फिरण्याचा बहाणा करून गोदावरी किनारी घेवून गेले होता. या ठिकाणी मुलाच्या अज्ञानपणाचा फायदा उचलत संशयितांनी बलात्कार केलचा आरोप करण्यात आला आहे. घरी आल्यानतर अचानक तब्बेत बिघडल्याने मुलास मनपाच्या बिटको रूग्णालयात दाखल केले असता हा प्रकार समोर आला.
उपचारादरम्यान डॉक्टराना हा प्रकार लक्षात आल्याने कुटुंबियास पोलीसात जाण्याचा सल्ला देण्यात आल्याने कुटुंबियांना धक्का बसला. यानंतर कुटूंबियाच्या मोबाईलवर अत्याचाराचा व्हिडीओ प्राप्त झाल्याने त्यांनी पोलीसात धाव घेतली असून याप्रकरणी बलात्कारासह पोस्को कायद्यान्वये गुन्हा दाखल करण्यात येवून दोघा संशयितांना बेड्या ठोकण्यात आल्या आहेत. अधिक तपास निरीक्षक मोहिते करीत आहेत.
