नाशिक (इंडिया दर्पण वृत्तसेवा)- रिक्षा प्रवासात सह प्रवासी असलेल्या भामट्या महिलांनी वृध्देच्या पिशवीतील पाकिट चोरून नेले. या पाकिटात सुमारे १ लाख ४ हजार रूपये किमतीचे दागिणे होते. याप्रकरणी सरकारवाडा पोलीस ठाण्यात गुन्हा दाखल करण्यात आला आहे.
प्रशांत भाऊराव निकम (रा.पंडीत कॉलनी) यांनी याबाबत फिर्याद दिली आहे. निकम यांच्या आई व नातू गुरूवारी (दि.१२) रविवार कारंजा भागात गेले होते. अभिनव शाळा येथून दोघे रिक्षात बसले होते. रविवार कारंजाच्या दिशेने जात असतांना अशोकस्तंभावरील गुरांचा दवाखाना भागात दोन प्रवासी महिला रिक्षात बसल्या असता ही चोरी झाली.
सदर महिलांनी वृध्देस बोलण्यात गुंतवून हातचलाखीने पिशवीतील पाकिट चोरून नेले असल्याचा आरोप करण्यात आला असून पाकिटात सोन्याची पोत, अंगठी,लहान बाळाची अंगठी,मंगळसुत्र व बाळया असा सुमारे १ लाख ४ हजार ३०० रूपये किमतीचा ऐवज होता. अधिक तपास हवालदार घेगडमल करीत आहेत.
