नाशिक (इंडिया दर्पण वृत्तसेवा)- पावभाजी दुकानावरील ग्राहकावर प्राणघातक हल्ला केल्याप्रकरणी पोलीसांनी एका सराईतास अटक केली. शहर गुन्हे शाखेच्या युनिट १ पथकाने ही कारवाई तपोवनातील बटूक हनुमान परिसरात केली. संशयितास आडगाव पोलीसांच्या स्वाधिन करण्यात आले आहे.
प्रकाश राजेंद्र विसपुते उर्फ पक्या खटकी (४० रा.आम्रपाली झोपडपट्टी,म्हसोबा मंदिराजवळ उपनगर) असे अटक करण्यात आलेल्या संशयिताचे नाव आहे. संशयिताने गेल्या ३० मे रोजी रात्री अकराच्या सुमारास नांदूरनाका भागातील मनपाच्या गार्डन जवळ खाद्यपदार्थाच्या दुकानात एका ग्राहकास लांकडी दांडक्याने मारहाण करीत जीवे ठार मारण्याचा प्रयत्न केला होता. याप्रकरणी आडगाव पोलीस ठाण्यात गुन्हा दाखल करण्यात आला होता.
पोलीस संशयिताच्या मागावर असतांनाच युनिटचे हवालदार प्रविण वाघमारे व प्रशांत मरकड यांना मिळालेल्या माहितीच्या आधारे ही कारवाई करण्यात आली. तपोवन भागात पक्या खटकी असल्याची माहिती मिळताच पथकाने धाव घेत बटूक हनुमान मार्गावर त्याच्या मुसक्या आवळल्या.
ही कारवाई वरिष्ठ निरीक्षक मधुकर कड यांच्या मार्गदर्शनाखाली सहाय्यक निरीक्षक हिरामण भोये उपनिरीक्षक सुदाम सांगळे,हवालदार प्रविण वाघमारे,प्रशांत मरकड,प्रदिप म्हसदे, संदिप भांड,योगीराज गायकवाड,विशाल काठे,नाझीमखान पठाण,मिलींदसिंग परदेशी अंमलदार अमोल कोष्टी जगेश्वर बोरसे,मुक्तार शेख व समाधान पवार आदींच्या पथकाने केली.
