नाशिक (इंडिया दर्पण वृत्तसेवा)- भरधाव अज्ञात वाहनाने दिलेल्या धडकेत ३० वर्षीय पल्सरस्वार ठार झाला. हा अपघात पेठरोडवरील एसटी महामंडळाच्या वर्क शॉप भागात झाला. याप्रकरणी म्हसरूळ पोलीस ठाण्यात अपघाताची नोंद करण्यात आली आहे.
विजय भिमराव कलवर (रा.झारली – आंबेगाव ता. दिंडोरी) असे मृत पल्सरस्वाराचे नाव आहे. कलवर मंगळवारी (दि.३) रात्री बारा वाजेच्या सुमारास नाशिकडून आपल्या घरी परतत असतांना हा अपघात झाला. एमएच १५ एफएक्स ७३८५ या दुचाकीवर ते प्रवास करीत असतांना पेठरोडवरील एसटी वर्क शॉप भागात भरधाव अज्ञात वाहनाने दुचाकीस धडक दिली.
या अपघातात गंभीर जखमी झाल्याने विजय कलवर यास जिल्हा रूग्णालयात दाखल केले असता वैद्यकीय सुत्रांनी तपासून मृत घोषीत केले. याबाबत विष्णू कानडी यांनी दिलेल्या फिर्यादीवरून पोलीस दप्तरी गुह्याची नोंद करण्यात आली असून अधिक तपास उपनिरीक्षक जोशी करीत आहेत.
