नाशिक (इंडिया दर्पण वृत्तसेवा)- शहरात विनयभंगाचे प्रकार वाढले असून दुचाकीवर प्रवास करणा-या महिलेसह इमारतीच्या पार्किंगमध्ये फोनवर बोलणा-या महिलेचा एकाने विनयभंग केला. याप्रकरणी पंचवटी व मुंबईनाका पोलीस ठाण्यात गुन्हे दाखल करण्यात आले आहेत.
पोलीसांनी दिलेल्या माहितीनुसार पंचवटीत राहणारी पीडित महिला शुक्रवारी (दि.३०) दुचाकीने आपल्या कामावर जात असतांना ही घटना घडली. के.के.वाघ कॉलेज परिसरातील भवानी मार्बल समोरूम महिला प्रवास करीत असतांना पाठीमागून मोटारसायकलवर आलेल्या अनोळखी व्यक्तीने त्यांना तूम्ही वोडाफोनमध्ये काम करता का असे विचारले. महिलेने त्यास ऑफिसमध्ये येवून बोला असे म्हणत आपल्या वाहानाचा वेग वाढविला असता संशयिताने ओव्हरटेक करून पीडितेची वाट अडविली. यावेळी त्याने महिलेचा हात पकडून भररस्त्यात विनयभंग केला. याप्रकरणी पंचवटी पोलीस ठाण्यात गुन्हा दाखल करण्यात आला असून अधिक तपास हवालदार सानप करीत आहेत.
दुसरी घटना खोडेनगर येथे घडली. हसन मस्जीद परिसरात राहणारी पिडीता गुरूवारी (दि.२९) रात्री राहत्या इमारतीच्या पार्किंगमध्ये बसून आपल्या सासूशी फोनवर बोलत असतांना ही घटना घडली. त्याच इमारतीत चौथ्या मजल्यावर राहणाºया शकिल शेख या संशयिताने महिला एकटी असल्याची संधी साधत तिचा विनयभंग केला. याप्रकरणी मुंबईनाका पोलीस ठाण्यात गुन्हा दाखल करण्यात आला असून अधिक तपास पोलीस नाईक जाधव करीत आहेत.
