इंडिया दर्पण ऑनलाईन डेस्क
लग्न सोहळय़ात हात की सफाई करणारा धुळय़ाचा चोरटा पोलीसांच्या हाती लागला आहे. शहर गुन्हे शाखेच्या युनिट २ पथकाने भामट्यांच्या मुसक्या आवळत त्याच्या ताब्यातून रोकडसह सोन्याचांदीचे अलंकार व दुचाकी असा सुमारे पावणे चार लाखाचा मुद्देमाल हस्तगत केला आहे. मुद्देमालासह संशयितास सातपूर पोलीसांच्या स्वाधिन करण्यात आले असून त्याच्या अटकेने शहरातील लॉन्स व मंगलकार्यालयात झालेल्या चोरीच्या घटना उघडकीस येण्याची शक्यता पोलीस सुत्रांनी वर्तविली आहे.
प्रशांत देवानंद राणे (३४ मुळ रा. ओम कॉलनी जुने धुळे हल्ली सत्यम वाईन पाठीमागे ध्रुवनगर) असे अटक करण्यात आलेल्या संशयिताचे नाव आहे. पपया नर्सरी परिसरातील सौभाग्य मंगल कार्यालयात गुरूवारी (दि.२२) चोरी झाली होती. व-हाडी मंडळी विवाहाच्या घाई गडबडीत असतांना चोरट्यांनी वधू पक्षाच्या रूममधील दागिण्यांवर डल्ला मारला होता. याबाबत सातपूर पोलीस ठाण्यात गुन्हा दाखल होताच पोलीस यंत्रणा कामाला लागली होती. सातपूर पोलीसांसह शहर गुन्हे शाखेच्या युनिट २ पथकाने घटनास्थळ गाठून परिसरातील सीसीटिव्हीची पाहणी करून फुटेज ताब्यात घेतले होते. या फुटेजच्या आधारे तपास सुरू असतांना युनिटचे हवालदार सुनिल आहेर व अंमलदार तेजस मते यांना मिळालेल्या माहितीच्या आधारे ही कारवाई करण्यात आली. आयटीआय पाठीमागील स्वारबाबानगर कडे जाणाºया रस्त्याने चोरटा एमएच १५ जीटी ९५९७ या मोपेड दुचाकीवर चोरटा चोरीचे सोने विक्री करण्यासाठी जाणार असल्याची माहिती पोलीसांना मिळाली. या माहितीच्या आधारे पथकाने संशयिताची वाट अडवित मुसक्या आवळल्या असता त्याने गुन्ह्याची कबुली दिली.
त्याच्या अंगझडतीत रोकडसह चोरीचे सोन्याचांदीचे अलंकार व गुन्हयात वापरलेली दुचाकी असा सुमारे ३ लाख ७८ हजार रूपये किमतीचा मुददेमाल जप्त करण्यात आला आहे. संशयितास मुद्देमालासह सातपूर पोलीसांच्या स्वाधिन करण्यात आले असून त्याच्या अटकेने विवाह सोहळयातील अनेक चोरीचे गुन्हे उघडकीस येण्याची शक्यता सुत्रांनी वर्तविली आहे. ही कारवाई युनिटचे प्रभारी हेमंत तोडकर यांच्या मार्गदर्शनाखाली सहाय्यक निरीक्षक डॉ. समाधान हिरे, उपनिरीक्षक मुक्तारखान पठाण, यशवंत बेंडकोळी, जमादार बाळू शेळके,विलास गांगुर्डे,गुलाब सोनार,हवालदार संजय सानप,नंदकुमार नांदुर्डीकर,सुनिल आहेर,चंद्रकांत गवळी,अतुल पाटील,प्रकाश महाजन, वाल्मिक चव्हाण, मनोहर शिंदे,अंमलदार तेजस मते,प्रविण वानखेडे,सुनिल खैरणार,जितेंद्र वजीरे तसेच तांत्रीक विश्लेषणचे सहाय्यक निरीक्षक जया तारडे आदींच्या पथकाने केली.
