नाशिक (इंडिया दर्पण वृत्तसेवा)- एकतर्फी प्रेमातून जालना येथील तरूणाने युवतीस मारहाण करीत तिचा विनयभंग केला. हा प्रकार छत्रपती संभाजी रोडवरील कपालेश्वरनगर भागात घडला. तर आर्थिक देवाण घेवाणीतून एकाने महिलेचा विनयभंग करीत जातीवाचक शिवीगाळ केल्याचा प्रकार नांदूरगावातील मनपा शाळा बसस्टॅण्ड भागात घडला. युवतीस धारदार चाकूचा धाक दाखविण्यात आल्याने तर मुलीस उचलून नेवून मायलेकास कोयत्याने तोडून टाकण्याची धमकी देण्यात महिलेने पोलीसात धाव घेतली आहे. याप्रकरणी आडगाव पोलीस ठाण्यात वेगवेगळे विनयभंगासह अ‍ॅट्रोसिटीचा गुन्हा दाखल करण्यात आला आहे.
पोलीसांनी दिलेल्या माहितीनुसार इरफान कुरेशी (४० रा.देवळाली गाव स्मशानभूमीजवळ) असे गुन्हा दाखल करण्यात आलेल्या संशयिताचे नाव आहे.
पीडिता व संशयितामध्ये आर्थिक व्यवहार आहे. पीडित महिला बुधवारी (दि.२१) रात्री मनपा शाळेजवळील बसस्टॉप जवळून जात असतांना संशयिताने तिला गाठले. यावेळी त्याने उसनवार घेतलेले पैसे परत न केल्याने वाद घालत महिलेकडे शरिर सुखाची मागणी केली मात्र महिलेने त्यास चांगलेच खडसावल्याने हा प्रकार घडला. संशयिताने महिलेस जातीवाचक शिवीगाळ व हाताच्या चापटीने मारहाण करीत तु जर माझ्याशी संबध ठेवले नाही तर तुझ्या मुलीला उचलून घेवून जाईव व तुला आणि मुलाला कोयत्याने तोडून टाकेन अशी धमकी दिली. त्यामुळे महिलेने पोलीसात धाव घेतली आहे.
दुसरा प्रकार आडगाव शिवारातील दत्तनगर भागात घडला. प्रदिप ढाकणे (२५ रा. रा.बिबाता जि.जालना) या युवकााने आपल्या साथीदारासमवेत गुरूवारी (दि.२२) छत्रपती संभाजीनगर रोडवरील कपालेश्वरनगर गाठून युवतीस मारहाण करीत विनयभंग केला. दुपारच्या सुमारास संशयित तरूणीच्या घर परिसरात उभे होते. रस्त्याने जाणा-या तरूणीची वाट अडवित संशयित प्रदिप ढाकणे याने तिच्या कानशिलेत वाजवून शिवीगाळ केली. यावेळी संशयितांनी खिशातील धारदार चाकू काढून दाखवत बघून घेण्याची धमकी दिली. दोन्ही घटनांप्रकरणी वेगवेगळे गुन्हे दाखल करण्यात आले असून अधिक तपास सहाय्यक निरीक्षक बोंडे व जमादार घोडे करीत आहेत.
