नाशिक (इंडिया दर्पण वृत्तसेवा)- जयभवानी रोड परिसरातील भालेराव मळा भागात झालेल्या घरफोडीत चोरट्यांनी सुमारे एक लाखाच्या ऐवजावर डल्ला मारला. त्यात रोकडसह सोन्याचांदीच्या दागिन्यांचा समावेश आहे. याप्रकरणी उपनगर पोलीस ठाण्यात गुन्हा दाखल करण्यात आला आहे.
भगवान बाबुराव वानखेडे (रा.आडकेनगर,भालेराव मळयाजवळ जयभवानीरोड) यांनी याबाबत फिर्याद दिली आहे. वानखेडे कुटुंबिय दि.१२ ते १६ मे दरम्यान बाहेरगावी गेले असता ही घटना घडली.
अज्ञात चोरट्यांनी त्यांच्या श्रीसाईकृपा बंगल्याचे कुलूप तोडून बेडरूममधील कपाटात ठेवलेली १५ हजाराची रोकड व सोन्याचांदीचे दागिणे असा सुमारे १ लाख ८ हजार रूपये किमतीचा ऐवज चोरून नेला. अधिक तपास जमादार शेजवळ करीत आहेत.
