नाशिक (इंडिया दर्पण वृत्तसेवा)– टोळक्याने केलेल्या हल्ल्यात महापालिकेच्या वॅाटर ग्रेसचे कर्मचारी आकाश ऊर्फ शिवम संतोष धनवटे (२१ रा. घारपुरे घाट गोदावरी नगर) या तरुणाचा मृत्यू झाला. पंडीत कॅालनीतील समर्थ मेडिकल स्टोअर भागात दुचाकीस्वारांनी हा हल्ला केला. या प्रकरणी सरकार वाडा पोलीस ठाण्यात खुनाचा गुन्हा दाखल करण्याचे कामकाज सुरू होते.
धनवटे मंगळवारी रोजी सकाळी साडेसहा वाजेच्या सुमारास पंडित कॉलनी येथे कामावर असताना ही घटना घडली. पूर्ववैमनस्यातून दुचाकीस्वार टोळक्याने त्याच्यावर धारदार शस्त्राने हल्ला केला. या घटनेत त्याच्यावर सपासप वार करण्यात आल्याने तो गंभीर जखमी झाला होता. भाऊ मकरंद धनवटे याने त्यास तात्काळ जिल्हा रुग्णालय मार्फत खासगी रुग्णालयात दाखल केले असता दुपारी साडेतीन वाजेच्या सुमारास त्याचा मृत्यू झाला.
