नाशिक (इंडिया दर्पण वृत्तसेवा)– पार्किंगमध्ये लावलेल्या कारची काच फोडून चोरट्यांनी एक लाख ३२ हजाराची रोकड चोरून नेली. ही घटना चेतनानगर येथील चेतनानगर येथील बाजीराव आव्हाड चौकात घडली. याप्रकरणी इंदिरानगर पोलीस ठाण्यात गुन्हा दाखल करण्यात आला आहे.
कल्पेश सुनिल पाटील (रा. स्वामी समर्थ केंद्राजवळ आव्हाड चौक,चेतनानगर) यांनी याबाबत फिर्याद दिली आहे. पाटील यांची क्रेटा कार एमएच १५ केसी ८०८८ मंगळवारी (दि.१३) दुपारच्या सुमारास त्यांच्या राहत्या सोसायटीच्या पार्किंगमध्ये लावलेली असतांना ही घटना घडली. अज्ञात चोरट्यांनी कारच्या पुढील दाराची काच फोडून डॅशबोर्ड मध्ये ठेवलेली १ लाख ३२ हजार ५०० रूपयांची रोकड चोरून नेली. अधिक तपास हवालदार शेख करीत आहेत.
प्रवासी महिलेची पर्स चोरट्यांनी केली लंपास
नाशिक (इंडिया दर्पण वृत्तसेवा)– बसस्थानकातून सोलापूर येथील प्रवासी महिलेची पर्स चोरट्यांनी हातोहात लांबविली. ही घटना महामार्ग बसस्थानकात घडली असून पर्स मध्ये १ लाख ५५ हजार ५०० रूपयांचा ऐवज होता. त्यात सोन्याचे अलंकार,मोबाईल व रोख रकमेचा समावेश आहे. याप्रकरणी मुंबईनाका पोलीस ठाण्यात गुन्हा दाखल करण्यात आला आहे.
अर्चना जगदिश बिडकर (४६ रा. हुंडेकरीवाडा सोलापूर ) यांनी याबाबत फिर्याद दिली आहे. बिडकर या गेल्या शुक्रवारी (दि.९) नातेवाईकांकडे शहरात आल्या होत्या. पहाटे च्या सुमारास त्या बसमधून महामार्ग बसस्थानकात उतरल्या असता ही घटना घडली. बसस्थानकातील आसनावर त्या बसलेल्या असतांना अज्ञात चोरट्यांनी त्यांच्या बॅगेतील पर्स चोरून नेली. या पर्समध्ये सोन्याचे मंगळसुत्र, वेढे,मोबाईल आणि ५ हजार ५०० रूपयांची रोकड होती. अधिक तपास हवालदार गाढवे करीत आहेत.
