नाशिक (इंडिया दर्पण वृत्तसेवा)- शहरात वाहनचोरीचे सत्र सुरूच असून वेगवेगळया भागातून पाच मोटारसायकली चोरट्यांनी पळवून नेल्या. याबाबत सरकारवाडा, भद्रकाली, म्हसरूळ गंगापूर व नाशिकरोड पोलीस ठाण्यात नोंद करण्यात आली असून चोरट्यांचा बंदोबस्त करावा अशी मागणी होवू लागली आहे.
पोलीसांनी दिलेल्या माहितीनुसार गणेश रामदास नंदन (रा. उमा अपा.समर्थ कॉलनी,शांतीनगर मखमलाबाद) यांची स्प्लेंडर एमएच १८ एएम १५५३ गेल्या शनिवारी (दि.१०) रात्री त्यांच्या सोसायटीच्या पार्किंगमध्ये लावलेली असतांना ती चोरट्यांनी पळवून नेली. याबाबत म्हसरूळ पोलीस ठाण्यात गुन्हा दाखल करण्यात आला असून अधिक तपास हवालदार फुगे करीत आहेत.
दुसरी घटना टिळकवाडी भागात घडली. याबाबत चेतन ज्ञानेश्वर बडगुजर (रा.सरदवाडीरोड सिन्नर) यांनी फिर्याद दिली आहे. बडगुजर गेल्या २८ एप्रिल रोजी शहरात आले होते. कामटे पेट्रोल पंपासमोर पार्क केलेली त्यांची एमएच १५ ईएम १७३७ मोटारसायकल चोरट्यानी चोरून नेली. याबाबत सरकारवाडा पोलीस ठाण्यात गुन्हा दाखल करण्यात आला असून अधिक तपास हवालदार साबळे करीत आहेत.
तिसरी घटना जुनी तांबट लेन भागात घडली. याबाबत दुर्गेश दत्तात्रेय आंबाडकर (रा.भैरवनाथ मंदिरासमोर जुनी तांबट लेन) यांनी याबाबत फिर्याद दिली आहे. आंबाडकर यांची पल्सर गेल्या बुधवारी (दि.७) रात्री त्यांच्या इमारतीच्या पार्किंगमध्ये लावलेली असतांना ती चोरट्यांनी चोरून नेली. याबाबत भद्रकाली पोलीस ठाण्यात गुन्हा दाखल करण्यात आला असून अधिक तपास हवालदार महाले करीत आहेत.
चौथी घटना गंगापूररोडवर घडली. सागर अर्जुन पाटील (रा.सोमेश्वर सातपूर लिंकरोड गंगापूर) या युवकाने याबाबत फिर्याद दिली आहे. पाटील गेल्या शनिवारी (दि.३) दुपारी गंगापूररोड भागात गेला होता. गुरूजी हॉस्पिटलच्या बाजूला पार्क केलेली त्याची अॅक्टीव्हा एमएच १५ एफ जे ७९५७ चोरट्यांनी पळवून नेली. याबाबत गंगापूर पोलीस ठाण्यात गुन्हा दाखल करण्यात आला असून अधिक तपास हवालदार बागुल करीत आहेत.
पाचवी घटना सामनगावरोडवरील अरिंगळे मळा भागात घडली. याबाबत देविदास त्र्यंबक अरिंगळे यांनी याबाबत फिर्याद दिली आहे. अरिंगळे यांची एमएच १५ एफडी ७४१६ मोपेड दुचाकी गेल्या २५ एप्रिल रोजी त्यांच्या राहत्या घरासमोर लावलेली असतांना ती चोरट्यांनी चोरून नेली. याबाबत नाशिकरोड पोलीस ठाण्यात गुन्हा दाखल करण्यात आला असून अधिक तपास हवालदार पवार करीत आहेत.
