नाशिक (इंडया दर्पण वृत्तसेवा)- नुतन इमारतीच्या सदनिकांमध्ये फिटींग करण्यासाठी आणलेली सुमारे दोन लाख रूपये किमतीचा ४ हजार मिटर वायर चोरट्यांनी चोरून नेली. ही घटना पेठरोडवरील समर्थनगर भागात सुरू असलेल्या बांधकाम साईटवर घडली असून याप्रकरणी पंचवटी पोलीस ठाण्यात गुन्हा दाखल करण्यात आला आहे.
विनोद गुलाबराव पाटील (रा.सिरीन मिडोज कॅनलरोड) यांनी याबाबत फिर्याद दिली आहे. पाटील इलेक्ट्रीक कॉन्ट्रॅक्टर असून त्यांचे विबगेअर शाळा भागातील बांधकाम साईटवर काम सुरू आहे. नवीन इमारतींतील सदनिकांमध्ये फिटींग करण्यासाठी त्यांनी सुमारे दोन लाख रूपये किमतीची पॉलिकॅब कंपनीची वायर वज्र लेण्डमार्क या साईटवर ठेवली असता ती चोरट्यांनी चोरून नेली. ही घटना शुक्रवारी (दि.२७) रात्री घडली. अधिक तपास हवालदार मालसाने करीत आहेत.
……..
