नाशिक (इंडिया दर्पण वृत्तसेवा)- आनंदवली भागात झालेल्या घरफोडीत चोरट्यांनी सुमारे दहा लाखाच्या ऐवजावर डल्ला मारला. त्यात सोन्याचांदीचे व डायमंड दागिन्यांचा समावेश आहे. याप्रकरणी गंगापूर पोलीस ठाण्यात गुन्हा दाखल करण्यात आला आहे.
प्रविण गोवर्धन भोळे (रा.नवश्या गणपतीजवळ, गंगापूररोड) यांनी याबाबत फिर्याद दिली आहे. भोळे कुटुंबिय बुधवारी (दि.३०) बाहेरगावी गेले असता ही घटना घडली.
अज्ञात चोरट्यांनी त्यांच्या बंद घराचा कडीकोयंडा तोडून बेडरूममधील लोखंडी कपाटातील तिजोरीत ठेवलेले सुमारे ९ लाख ८७ हजार रूपये किमतीचे अलंकार चोरून नेले. अधिक तपास सहाय्यक निरीक्षक आहिरराव करीत आहेत.
