नाशिक (इंडिया दर्पण वृत्तसेवा)- आडगाव शिवारातील निवृत्तीनगर भागात भरदिवसा झालेल्या घरफोडीत चोरट्यांनी सुमारे पावणे दोन लाखाच्या ऐवजावर डल्ला मारला. त्यात दीड लाखाच्या रोकडसह सोन्याचांदीच्या दागिन्यांचा समावेश आहे. याप्रकरणी आडगाव पोलीस ठाण्यात गुन्हा दाखल करण्यात आला आहे.
अमृत सुरेश तांबोरे (रा. वक्रतुंड अपा. जत्रा हॉटेल जवळ निवृत्तीनगर) यांनी याबाबत फिर्याद दिली आहे. तांबोरे कुटुंबिय सोमवारी (दि.२८) अल्पशा कामानिमित्त घराबाहेर पडले असता ही घटना घडली. अज्ञात चोरट्यांनी त्यांच्या बंद फ्लॅटचे लॅचलॉक तोडून ही घरफोडी केली.
घरात शिरलेल्या चोरट्यांनी बेडरूममधील ड्रेसिंग टेबलच्या ड्रावरमध्ये ठेवलेली दीड लाखाची रोकड व सोन्याचांदीचे दागिणे असा सुमारे १ लाख ७१ हजाराचा ऐवज चोरून नेला. अधिक तपास उपनिरीक्षक मयुर निकम करीत आहेत.
…….
