नाशिक (इंडिया दर्पण वृत्तसेवा)- दिंडोरीरोड भागात झालेल्या घरफोडीत चोरट्यांनी सुमारे सव्वा लाखाच्या ऐवजावर डल्ला मारला. त्यात रोकडसह सोन्याचांदीच्या दागिन्यांचा समावेश आहे. याप्रकरणी म्हसरूळ पोलीस ठाण्यात गुन्हा दाखल करण्यात आला आहे.
कुलदिप शेषराव खांडेकर (रा.रिलायन्स पेट्रोलपंपाजवळ दिंडोरीरोड) यांनी याबाबत फिर्याद दिली आहे. खांडेकर कुटुंबिय १२ ते १९ एप्रिल दरम्यान बाहेरगावी गेले असता ही घटना घडली.
अज्ञात चोरट्यानी त्यांच्या बंद फ्लॅटचे कुलूप तोडून बेडरूममधील लोखंडी कपाटात ठेवलेली पाच हजाराची रोकड व सोन्याचांदीचे दागिणे असा सुमारे १ लाख २६ हजार ८०० रूपये किमतीचा ऐवज चोरून नेला. अधिक तपास उपनिरीक्षक मुंद्रूंपकर करीत आहेत.
