नाशिक (इंडिया दर्पण वृत्तसेवा)- बांधकाम करीत असताना स्लॅब कोसळल्याने एका कामगाराचा मृत्यू झाला. ही घटना सिडकोतील औदुंबर स्टॉप भागात घडली. याबाबत अंबड पोलीस ठाण्यात मृत्यूची नोंद करण्यात आली आहे.
मोहम्मद साहेब अली शेख (५८ रा.साईबाबा अपा.पखालरोड) असे मृत कामगाराचे नाव आहे. शेख शुक्रवारी (दि.१८) सायंकाळच्या सुमारास फिर्दोष कॉलनीतील एका बांधकाम साईटवर काम करीत असतांना ही घटना घडली. महिनाभरापूर्वी टाकलेल्या स्लॅबवर उभे राहून शेख काम करीत असतांना अचानक स्लॅब कोसळला.
या घटनेत ते गंभीर जखमी झाले होते. मुलगा नासिर शेख याने त्यांना तातडीने जिल्हा रूग्णालयात दाखल केले असता वैद्यकीय सुत्रांनी तपासून मृत घोषीत केले. अधिक तपास हवालदार शेख करीत आहेत.
