नाशिक (इंडिया दर्पण वृत्तसेवा)– अल्पवयीन मुलीसह शहरातील वेगवेगळया भागात राहणा-या दोन महिलांचा बुधवारी (दि.१६) परिचीतांकडून विनयभंग करण्यात आला. मारहाणीत दोन्ही महिलांचा विनयभंग करण्यात आला असून, याप्रकरणी भद्रकाली व उपनगर पोलीस ठाण्यात विनयभंग आणि पोस्को कायद्यान्वये गुन्हे दाखल करण्यात आले आहेत.
पोलीसांनी दिलेल्या मााहितीनुसार जुने नाशिक भागात राहणा-या महिलेने याबाबत फिर्याद दिली आहे. बुधवारी रात्री महिलेच्या घरासमोर तिच्या पतीस पंचशिलनगर येथील गोप्या व खडकाळी येथील रसूलबाग कब्रस्थान समोर राहणारा नाना नामक युवक मारहाण करीत होता. यावेळी पीडिता आपल्या पतीच्या मदतीला धावून गेली असता संशयितांनी तिलाही शिवीगाळ व धक्काबुक्की करीत विनयभंग केला. या घटनेत महिलेचे कपडे फाडण्यात आले आहेत.
दुसरी घटना याच भागातील नाईकवाडीपुरा परिसरात घडली. पवन चौधरी (२५) या तरूणीने शेजारी राहणा-या अल्पवयीन मुलीस बुधवारी दुचाकीवर चक्कर मारण्यास घेवून जात हे कृत्य केले. वाटेत मुलीचा विनयभंग करण्यात आल्याचा आरोप तिच्या आईने केला आहे. दोन्ही घटनांप्रकरणी भद्रकाली पोलीस ठाण्यात वेगवेगळे गुन्हे दाखल करण्यात आले असून अधिक तपास उपनिरीक्षक शिंदे व रणदिवे करीत आहेत.
तिसरी घटना जयभवानीरोड भागात घडली. पीडितेच्या भावजयीस शेजारी राहणारे मंजू द्विवेदी व तिचा पती बुधवारी रात्री मारहाण करीत होते. यावेळी पीडिता नणंद आपल्या भावजयीच्या मदतीला धावून गेली असता संशयित दांम्पत्याने तिलाही शिवीगाळ व मारहाण केली. या घटनेत द्विगेदी याने पीडितेचा विनयभंग केला असून याप्रकरणी उपनगर पोलीस ठाण्यात गुन्हा दाखल करण्यात आला आहे. अधिक तपास जमादार शेजवळ करीत आहेत.
