नाशिक (इंडिया दर्पण वृत्तसेवा) – शहरात वाहनचोरीची मालिका सुरू असून अ‍ॅटोरिक्षासह पाच दुचाकी वेगवेगळ्या भागातून चोरट्यांनी चोरून नेल्या. याप्रकरणी पंचवटी,आडगाव,सातपूर आणि उपनगर पोलीस ठाण्यात नोंदी करण्यात आल्या आहेत. पोलीसांनी दिलेल्या माहितीनुसार प्रभाकर सुभाष गोंधळी (रा.राही बंगला,जाधव कॉलनी,म.बादरोड) यांची अ‍ॅटोरिक्षा एमएच २२ एए ७०५३ गेल्या सोमवारी (दि.२३) रात्री त्यांच्या बंगल्या बाहेर पार्क केलेली असतांना ती चोरट्यांनी चोरून नेली. तर सितागुंफा रोड भागात राहणारे ऋषीकेश राजेंद्र देशपांडे (रा.कमल टॉवर शिवाजी चौक) यांची अ‍ॅक्टीव्हा एमएच १५ एचटी ५८६६ बुधवारी (दि.२५) सकाळच्या सुमारास त्यांच्या बिल्डींगच्या बाहेर पार्क केलेली असतांना ती चोरट्यानी पळवून नेली. दोन्ही घटनांबाबत पंचवटी पोलीस ठाण्यात नोंदी करण्यात आल्या असून अधिक तपास हवालदार भोईर व कुलकर्णी करीत आहेत.
मोटारसायकल चोरीची दुसरी घटना छत्रपती संभाजी रोड भागात समोर आली. संजय नारायण पवार (रा.खोडेनगर अशोकामार्ग ) हे गेल्या बुधवारी डाळींब मार्केट भागात गेले होते. कृष्णा हॉटेलच्या पार्किंगमध्ये लावलेली त्यांची ज्युपिटर एमएच २६ सीबी ९९२१ चोरट्यांनी चोरून नेली. तर चेतन गोविंदा देशमाने (रा.निलकंठ अपा.महालक्ष्मीनगर जत्रा हॉटेल ) यांची पॅशन प्रो एमएच १५ जीएन ७७२६ मोारसायकल गेल्या बुधवारी (दि.२५) रात्री त्यांच्या इमारतीच्या पार्किगमध्ये लावलेली असतांना चोरट्यांनी चोरून नेली. दोन्ही घटनांप्रकरणी आडगाव पोलीस ठाण्यात वेगवेगळे गुन्हे दाखल करण्यात आले असून अधिक तपास हवालदार मगर करीत आहेत.
आशिष चंद्रभान गोस्वामी (रा.खोडे पार्क,संत जनार्दन स्वामी नगर त्र्यंबकरोड) याची एमएच १५ सीडब्ल्यू ९६४४ बुधवारी (दि २५) प्रबुध्दनगर परिसरातील महिंद्रा कंपनीच्या मेन गेट समोर लावलेली असतांना चोरट्यांनी ती चोरून नेली. याप्रकरणी सातपूर पोलीस ठाण्यात गुन्हा दाखल करण्यात आला असून अधिक तपास हवालदार सुर्यवंशी करीत आहेत. तर सुवर्णा सचिन सोनवणे (रा.सुप्रभात अपा.विवेकानंद कॉलनी नारायणबापू नगर) यांची एमएच १५ एफझेड ०६७७ मोटारसायकल गेल्या मंगळवारी रात्री परिसरातील इंदिरा गांधी पुतळयामागील राघवेंद्र स्वामी मेडिकल स्टोअर्स समोर पार्क केलेली असतांना चोरट्यांनी ती पळवून नेली. याप्रकरणी उपनगर पोलीस ठाण्यात मृत्यूची नोंद करण्यात आली असून अधिक तपास हवालदार पवार करीत आहेत.
