नाशिक (इंडिया दर्पण वृत्तसेवा)– हद्दपारीची कारवाई करूनही शहरात वावरणा-या दोघा तडिपारांना पोलीसांनी बेड्या ठोकल्या. वेगवेगळया भागात दोघांच्या मुसक्या आवळण्यात आल्या असून याप्रकरणी म्हसरूळ आणि अंबड पोलीस ठाण्यात गुन्हा दाखल करण्यात आला आहे.
युवराज पन्नालाल सोनवणे (३६ रा.बोरगड,म्हसरूळ) व लक्ष्मण राजेंद्र कोळी (२४ रा.घरकुल योजना चुंचाळे) अशी अटक करण्यात आलेल्या संशयित तडिपारांची नावे आहेत. संशयितांच्या गुन्हेगारी कृत्यास आळा घालण्यासाठी शहर पोलीसांनी त्यांच्यावर हद्दपारीची कारवाई केली आहे. अनुक्रमे १ व दोन वर्षासाठी त्यांना शहर व जिह्यातून हद्दपार केलेले असतांनाही त्यांचा वावर शहरातच असल्याची माहिती पोलीसाना मिळाली होती. पोलीस दोघांच्या मागावर असताना सोनवणे शुक्रवारी (दि.११) सायंकाळच्या सुमारास आपल्या घर परिसरात तर कोळी दत्तनगर येथील अभिषेक बेकरी समोरील रोडवर मिळून आला.
याबाबत म्हसरूळचे अंमलदार पंकज चव्हाण व एमआयडीसी चुंचाळे चौकीचे श्रीहरी बिराजदार यानी दिलेल्या फिर्यादीवरून पोलीस दप्तरी वेगवेगळे गुन्हे दाखल करण्यात आले असून अधिक तपास हवालदार चव्हाण आणि झोले करीत आहेत.
