नाशिक (इंडिया दर्पण वृत्तसेवा)– सायबर भामट्यांनी एकास तब्बल साडे नऊ लाखास गंडविल्याचा प्रकार समोर आला आहे. व्यावसायीक कर्ज मदतपूर्व भरूण देण्यासाठी सहकार्य करीत असल्याचा बहाणा करून भामट्यांनी हा गंडा घातला असून, याप्रकरणी सायबर पोलीस ठाण्यात फसवणुकीसह माहिती व तंत्रज्ञान कायद्यान्वये गुन्हा दाखल करण्यात आला आहे.
प्रसाद प्रभाकर आवेकर (रा.अशोकनगर,सातपूर ) यानी याबाबत फिर्याद दिली आहे. आवेकर यांनी आदित्य बिर्ला कॅपीटल या फायनान्स कंपनीकडून व्यावसायीक कर्ज घेतले आहे. गेल्या १३ फेब्रुवारी रोजी त्यांच्याशी भामट्यांनी संपर्क साधला होता. आदित्य बिर्ला कॅपीटल मधून बोलत असल्याचे भासवून भामट्यांनी कर्जाबाबत अडीअडचणी जाणून घेतल्या. यावेळी आवेकर यांनी व्यावसायीक कर्जाची मुदतपुर्व परतफेड करायचे असल्याचे सांगितल्याने ही फसवणुक झाली.
भामट्यांनी आवेकर यांना लोन फोरक्लोज करण्यासाठी बंधन बँकेच्या २०२०००७७८२६१० या खात्यात ८ लाख ५७ हजार १९ तर सेंट्रल बँकेच्या ५७६१९५६४९६ या बँक खात्यात ८९ हजार २१० रूपये भरण्यास भाग पाडून आवेकर यांची सुमारे ९ लाख ४६ हजार २२९ रूपयांची फसवणुक केली आहे. अधिक तपास निरीक्षक रियाज शेख करीत आहेत.
