नाशिक (इंडिया दर्पण वृत्तसेवा)- शहरात मोटारसायकल चोरीचे सत्र सुरूच असून वेगवेगळया भागात पार्क केलेल्या दोन दुचाकी चोरट्यांनी पळवून नेल्या. याप्रकरणी आडगाव व पंचवटी पोलीस ठाण्यात गुन्हयाची नोंद करण्यात आली आहे.
आडगाव शिवारात राहणारे अविनाश राजू मोरे (रा.जुना कोकण कट्टा हॉटेलजवळ) यांची एमएच २० एफएस ८५०४ ही मोटारसायकल गेल्या २८ मार्च रोजी रात्री त्यांच्या बिल्डींगच्या पार्किंगमध्ये लावलेली असतांना ती चोरट्यांनी पळवून नेली. याप्रकरणी आडगाव पोलीस ठाण्यात गुन्हा दाखल करण्यात आला असून अधिक तपास हवालदार देवरे करीत आहेत.
दुसरी घटना गोदाघाटावर घडली. सागर सुरेश होळकर (रा.कामटवाडा,सिडको) यांनी याबाबत फिर्याद दिली आहे. होळकर रविवारी (दि.३०) गोदाघाटावर गेले होते. सार्वजनिक सुलभ शौचालय परिसरात पार्क केलेली त्यांची दुचाकी (एमएच १५ जीपी ११६४) चोरटयांनी चोरून नेली. याबाबत पंचवटी पोलीस ठाण्यात गुन्हा दाखल करण्यात आला असून अधिक तपास हवालदार माळवाळ करीत आहेत.
