नाशिक (इंडिया दर्पण वृत्तसेवा)– घराच्या दारात उभ्या असलेल्या लहानग्या मुलीचा शेजा-याने विनयभंग केल्याचा प्रकार जुने नाशिक येथील डिंगरअळीत घडली. दारूच्या नशेत संशयिताने पैशांचे आमिष दाखवून हे कृत्य केले असून, पोलीसांनी त्यास तात्काळ अटक केली आहे. याप्रकरणी भद्रकाली पोलीस ठाण्यात गुन्हा दाखल करण्यात आला आहे.
अभिजीत कदम उर्फ अबू (२४) असे संशयिताचे नाव आहे. पीडितेच्या आईने याबाबत फिर्याद दिली आहे. संशयित व पीडितेचे कुटुंबिय एकाच भागात राहणारे असून ते एकमेकांचे शेजारी आहे. अल्पवयीन मुलगी मगळवारी (दि.२५) रात्री आपल्या घरासमोर उभी असतांना मद्याच्या नशेत तर्रर्र असलेल्या संशयिताने तिला शंभर रूपये देतो घरात चल असे म्हणत विनयभंग केला.
मुलीने आपल्या कुटुंबियाकडे आपबिती कथन केल्याने हा प्रकार पोलीसात पोहचला असून संशयितास तात्काळ अटक करण्यात आली आहे. अधिक तपास उपनिरीक्षक दहिफळे करीत आहेत.
