नाशिक (इंडिया दर्पण वृत्तसेवा)- गंगापूरनाका भागात फॅब्रीकेशनचे काम करीत असतांना घराच्या छतावरून पडल्याने ५८ वर्षीय कामगाराचा मृत्यू झाला. याप्रकरणी सरकारवाडा पोलीस ठाण्यात मृत्यूची नोद करण्यात आली आहे. निवृत्ती लक्ष्मण सोनजे (रा.साई व्हिला रो हाऊस,श्रमिकनगर) असे मृत कामगाराचे नाव आहे.
सोनजे गुरूवारी (दि.२६) सायंकाळच्या सुमारास जुना गंगापूर नाका भागातील विदिशा अपार्टमेंट येथे काम करीत असतांना ही घटना घडली. संदिप माळवे यांच्या घरावर फॅब्रीकेशनचे काम करीत असतांना छतावर लावलेल्या सिडीवरून ते जमिनीवर कोसळले होते. या घटनेत त्यांच्या डोक्यास व पाठीस गंभीर दुखापत झाल्याने माळवे यांनी त्यांना तातडीने जिल्हारूग्णालयात दाखल केले असता वैद्यकीय सुत्रांनी तपासून मृत घोषीत केले. अधिक तपास हवालदार हेमराज गायकवाड करीत आहेत.
६० हजाराच्या अ‍ॅल्युमिनीअमच्या प्लेटा चोरून नेल्या
नाशिक (इंडिया दर्पण वृत्तसेवा)- नव्याने सुरू असलेल्या बांधकाम साईटवरून चोरट्यांनी सुमारे ६० हजार रूपये किमतीच्या अ‍ॅल्युमिनीअमच्या प्लेटा चोरून नेल्या. ही घटना एबीबी सर्कल भागात घडली असून याप्रकरणी गंगापूर पोलीस ठाण्यात चोरीचा गुन्हा दाखल करण्यात आला आहे.
धिरजलाल प्रेमजीभाई वेलाणी (रा.सिओम नगर,हिरावाडीरोड) यांनी फिर्याद दिली आहे. वेलाणी बांधकाम व्यावसायीक असून त्यांची निशांमदिप डेव्हलपर्स नावाची फर्म आहे. या फर्मच्या वतीने महात्मानगर येथील एबीबी सर्कल भागात नवीन बांधकाम साईट सुरू आहे. गेल्या शुक्रवारी (दि.२०) रात्री अज्ञात चोरट्यांनी त्यांच्या साईटवर पडलेल्या ३० अ‍ॅल्युमिनीअम प्लेटा चोरून नेल्या अधिक तपास हवालदार मोरे करीत आहेत.
