नाशिक (इंडिया दर्पण वृत्तसेवा)- हद्दपारीची कारवाई करूनही शहरात वावरणा-या तडिपारास पोलीसांनी बेड्या ठोकल्या. ही कारवाई चुंचाळे शिवारात करण्यात आली. याप्रकरणी अंबड पोलीस ठाण्यात गुन्हा दाखल करण्यात आला आहे.
कुणाल रविंद्र पगार (२५ रा. पाण्याच्या टाकीजवळ चुंचाळे) असे गुन्हा दाखल करण्यात आलेल्या संशयित तडिपाराचे नाव आहे. पगार याच्या वाढत्या गुन्हेगारीस रोखण्यासाठी शहर पोलीसांच्या वतीने त्याच्याविरूध्द हद्दपारीची कारवाई करण्यात आली आहे. शहर आणि जिह्यातून त्यास एक वर्षासाठी हद्दपार केलेले असतांना त्याचा वावर शहरातच होता.
पोलीस त्याच्या मागावर असतांना गुरूवारी (दि.१३) एमआयडीसी चौकी पथकाच्या हाती लागला. चुंचाळे शिवारातील पाण्याची टाकी भागात ही कारवाई करण्यात आली असून याप्रकरणी अंमलदार श्रीहरी बिराजदार यांनी फिर्याद दिली आहे. अधिक तपास सहाय्यक निरीक्षक भंदे करीत आहेत.
………
तलवार बाळगणा-या तरूणावर पोलीसानी केली कारवाई
नाशिक (इंडिया दर्पण वृत्तसेवा)- सिडकोतील पवननगर भागात धारदार तलवार बाळगणा-या तरूणावर पोलीसानी कारवाई केली. संशयिताच्या ताब्यातून लोखंडी तलवार हस्तगत करण्यात आली असून याप्रकरणी अंबड पोलीस ठाण्यात गुन्हा दाखल करण्यात आला आहे.
प्रशिक अशोक अडांगळे (२७ रा. कालीका पार्क कर्मयोगी नगर) असे गुन्हा दाखल करण्यात आलेल्या संशयिताचे नाव आहे. पवननगर येथील पाण्याची टाकी परिसरात फिरणाºया तरूणाकडे तलवार असल्याची माहिती अंबड पोलीसांना मिळाली होती. त्यानुसार पथकाने धाव घेत संशयितास बेड्या ठोकल्या असून त्याच्या अंगझडतीत धारदार तलवार मिळून आली आहे. याबाबत अंमलदार तुषार मते यांनी फिर्याद दिली असून अधिक तपास हवालदार उमाकांत टिळेकर करीत आहेत.
