नाशिक (इंडिया दर्पण वृत्तसेवा)– नाशिक पुणे महामार्गावरील शिंदे गावाजवळ धावत्या दुचाकीवरून पडल्याने ४५ वर्षीय व्यक्तीचा मृत्यू झाला. टायर पंक्चर झाल्याने ही घटना घडली. याप्रकरणी नाशिकरोड पोलीस ठाण्यात मृत्यूची नोंद करण्यात आली आहे.
संतोष मुनेश्वर शहा (रा.नवनाथनगर,पेठरोड) असे मृत दुचाकीस्वाराचे नाव आहे. शहा २६ फेब्रुवारी रोजी सिन्नर येथे गेले होते दुचाकीवर ते परतीचा प्रवास करीत असतांना हा अपघात झाला. सिन्नर कडून नाशिकच्या दिशेने ते प्रवास करीत असतांना शिंदे गावाजवळ भरधाव दुचाकी पंक्चर झाल्याने हा अपघात झाला.
दुचाकीवरून पडल्याने शहा गंभीर जखमी झाले होते. डोक्यास दुखापत झाल्याने कुटूंबियांनी त्यांना बिटको रूग्णालया मार्फत सह्याद्री,अ‍ॅपेक्स व नंतर आडगाव येथील मेडिकल कॉलेज येथे हलविले होते. उपचार सुरू असतांना रविवारी (दि.२) त्यांची प्रकृर्ती खालावल्याने जिल्हारूग्णालयात दाखल केले असता डॉ. सुमित खराडे यांनी तपासून मृत घोषीत केले.
