नाशिक (इंडिया दर्पण वृत्तसेवा)- डीजीपीनगर परिसरात भरदिवसा झालेल्या घरफोडीत चोरट्यांनी सुमारे ८८ हजाराच्या ऐवजावर डल्ला मारला. त्यात ५० हजाराच्या रोकडसह सोन्याचादींच्या दागिन्यांचा समावेश असून याप्रकरणी अंबड पोलीस ठाण्यात गुन्हा दाखल करण्यात आला आहे.
किशोर कृष्णा बाविस्कर (रा.सुमंगल सोसा.डीजीपीनगर माऊली लॉन्स जवळ) यांनी याबाबत फिर्याद दिली आहे. बाविस्कर कुटुंबिय गेल्या रविवारी (दि.१६) दुपारच्या सुमारास अल्पशा कामानिमित्त घराबाहेर पडले असता ही घटना घडली.
अज्ञात चोरटयांनी त्यांच्या बंद घराचा कडीकोयंडा तोडून बेडरूममधील कपाटात ठेवलेली ५० हजाराची रोकड व सोन्याचांदीचे दागिणे असा ८८ हजाराचा ऐवज चोरून नेला. अधिक तपास हवालदार महाजन करीत आहेत.
