नाशिक (इंडिया दर्पण वृत्तसेवा)- चुंचाळे शिवारात भरदिवसा झालेल्या घरफोडीत भामट्यांनी ४० हजाराच्या ऐवजावर डल्ला मारला. त्यात २० हजाराच्या रोकडसह सोन्याचांदीच्या दागिन्यांचा समावेश आहे. याप्रकरणी अंबड पोलीस ठाण्यात घरफोडीचा गुन्हा दाखल करण्यात आला आहे.
अरूणकुमार रामबरण दास (रा.रामसेतू कॉलनी,रामकृष्णनगर अंबडलिंकरोड चुंचाळे) यांनी याबाबत फिर्याद दिली आहे. दास कुटुंबिय मंगळवारी (दि.१८) अ्ल्पशा कामानिमित्त घराबाहेर पडले असता ही घटना घडली. अज्ञात चोरट्यांनी त्यांच्या बंद घराचा कडीकोयंडा तोडून कपाटात ठेवलेली रोकड व सोन्याचांदीचे दागिणे असा सुमारे ४० हजाराचा ऐवज चोरून नेला. अधिक तपास हवालदार चव्हाण करीत आहेत.
