नाशिक (इंडिया दर्पण वृत्तसेवा)– आडगाव शिवारातील कोणार्क नगर भागात भरदिवसा झालेल्या घरफोडीत चोरट्यांनी रोकडसह दागिन्यांवर डल्ला मारला. या घटनेत १२ हजाराच्या रोकडसह सोन्याचा नेकलेस चोरट्यांनी चोरून नेला असून याप्रकरणी आडगाव पोलीस ठाण्यात घरफोडीचा गुन्हा दाखल करण्यात आला आहे.
श्रविंद्र बाबासाहेब जगताप (रा.कोनार्कनगर) यांनी फिर्याद दिली आहे. जगताप कुटूंबिय मंगळवारी (दि.११) सकाळी आजारी नातेवाईकास भेटण्यासाठी मुंबईनाका भागातील खासगी रूग्णालयात गेले असता ही घटना घडली. अज्ञात चोरट्यांनी बंद घराचा कडीकोयंडा व कुलूप तोडून बेडरूममध्ये ठेवलेली रोकड व सोन्याचा नेकलेस असा सुमारे ३७ हजार रूपये किमतीचा ऐवज चोरून नेला. अधिक तपास हवालदार आहिरे करीत आहेत.
