नाशिक (इंडिया दर्पण वृत्तसेवा)- शहरात वेगवेगळया भागातून चोरट्यांनी चार मोटारसायकली चोरून नेल्या. याप्रकरणी पंचवटी,इंदिरानगर,अंबड व नाशिकरोड पोलीस ठाण्यात गुन्हे दाखल करण्यात आले असून चोरट्यांचा बंदोबस्त करावा अशी मागणी जोर धरू लागली आहे.
पोलीसानी दिलेल्या माहितीनुसार जुना आडगाव नाका भागात राहणारे कैवल्य नारायण गायधनी (रा. गोविंद संकुल,कृष्णनगर) यांची एमएच १५ जेबी ६६०३ मोटारसायकल सोमवारी (दि.१०) रात्री त्यांच्या बिल्डींगच्या पार्किंगमध्ये लावलेली असतांना ती चोरट्यानी चोरून नेली. याबाबत पंचवटी पोलीस ठाण्यात गुन्हा दाखल करण्यात आला असून अधिक तपास हवालदार भोईर करीत आहेत. दुसरी घटना अंबड औद्योगीक वसाहतीत घडली. याबाबत शिवम अजय विश्वकर्मा (रा.चुंचाळे शिवार,अंबड) यांनी फिर्याद दिली आहे. विश्वकर्मा सोमवारी (दि.१०) सकाळी लुसी इलेक्ट्रीक कंपनीत गेले होते. पार्किंगमध्ये लावलेली त्यांची अॅक्टीव्हा एमएच १५ एचई ३६४१ चोरट्यांनी पळवून नेली. याबाबत अंबड पोलीस ठाण्यात गुन्हा दाखल करण्यात आला असून अधिक तपास हवालदार चव्हाण करीत आहेत.
तिसरी घटना कलानगर येथे घडली. याबाबत हेमंत विष्णू शिंदे (रा.सयाजी हॉटेल मागे,सुचेतानगर) यांनी फिर्याद दिली आहे. शिंदे यांची एमएच १५ डीई ४२१७ मोटारसायकल गेल्या बुधवारी (दि.५) कलानगर येथील न्यु आयडीएल सर्व्हीस सेटर परिसरात पार्क केलेली असतांना ती चोरट्यांनी चोरून नेली. याबाबत इंदिरानगर पोलीस ठाण्यात गुन्हा दाखल करण्यात आला असून अधिक तपास हवालदार गारले करीत आहेत.
चौथी घटना जेलरोड भागात घडली. दिलीप फकिरा शेळके (रा.राजराजेश्वरी मंगल कार्यालयाजवळ,जेलरोड) यांनी याबाबत फिर्याद दिली आहे. शेळके शुक्रवारी (दि.७) जेलरोड भागात गेले होते. करन्सी नोट प्रेसच्या पार्किंगमध्ये लावलेली त्यांची अॅक्टीव्हा एमएच १५ एफझेड ५३१४ चोरट्यांनी पळवून नेली. याबाबत नाशिकरोड पोलीस ठाण्यात गुन्हा दाखल करण्यात आला असून अधिक तपास हवालदार कुºहाडे करीत आहेत.
