नाशिक (इंडिया दर्पण वृत्तसेवा) – नाशिकमध्ये आज भर दिवसा एका १९ वर्षीय तरुणीवर प्राणघातक हल्ला झाल्याची घटना घडली. अनंत कान्हेरे मैदानावर हा हल्ला करण्यात आला. या प्रकरणी पोलिसांनी एकाला ताब्यात घेतले आहे. सकाळी १० वाजता ही घटना घडली. या तरुणीवर चाकूने हा हल्ला करण्यात आला.
या घटनेची माहिती मिळताच पोलिस घटनास्थळी दाखल झाले. या घटनेत मुलीची प्रकृती गंभीर असून मुलीला उपचारासाठी जिल्हा रुग्णालयात दाखल करण्यात आले. दरम्यान स्थानिक नागरिकांच्या मदतीने आरोपीला ताब्यात घेण्यात आले आहे.
केदार गणेश जंगम असे हल्ला करणा-या तरुणाचे नाव आहे. केदार हा मुलीचा नातेवाईक असून हल्ला झालेली मुलगी त्याच्याच घरी राहायला होती. केदारचे मुलीसोबत प्रेम संबध असल्याचे बोलले जात आहे.
