नाशिक (इंडिया दर्पण वृत्तसेवा)- प्रेमाच्या जाळयात अडकवून एकाने अल्पवयीन मुलीवर बलात्कार केल्याचा प्रकार समोर आला आहे. मुलगी गर्भवती राहिल्याने हा प्रकार पोलीसात पोहचला असून पोलीसांनी तात्काळ संशयितास अटक केली आहे. याबाबत अंबड पोलीस ठाण्यात गुन्हा दाखल करण्यात आला आहे.
नितीन कदम (रा.उपेंद्रनगर,सिडको) असे अटक करण्यात आलेल्या संशयिताचे नाव आहे. पीडित मुलगी व संशयित यांच्यात गेल्या वर्षी मे महिन्यात ओळख झाली होती. या ओळखीचे रूपांतर प्रेमात झाल्याने ही घटना घडली. संशयिताने मुलीस प्रथम सिडकोतील मैत्रीणीच्या घरी तसेच नाशिक व त्र्यंबकेश्वर येथील वेगवेगळया हॉटेलवर घेवून जात वेळोवेळी तिच्यावर बलात्कार केला.
यातून मुलगी गर्भवती राहिली असून हा प्रकार कुटुंबियास कळाल्याने हा प्रकार पोलीसात पोहचला आहे. अधिक तपास उपनिरीक्षक संदेश पाडवी करीत आहेत.
