नाशिक (इंडिया दर्पण वृत्तसेवा)– शहर व परिसरात घरफोडीचे सत्र सुरूच असून वेगवेगळय़ा भागात झालेल्या दोन घरफोडीत चोरट्यांनी सुमारे सव्वा लाखाचा ऐवज लंपास केला. त्यात भरदिवसा झालेल्या एका घरफोडीचा समावेश आहे. याप्रकरणी अंबड व उपनगर पोलीस ठाण्यात गुन्हे दाखल करण्यात आले आहेत.
पोलीसांनी दिलेल्या माहितीनुसार घरफोडीची पहिली घटना सिडकोतील शिवाजी चौकात घडली. याबाबत संजीव शरद मानेकर यांनी फिर्याद दिली आहे. मानेकर कुटूंबिय दि.२८ डिसेंबर ते २३ जानेवारी दरम्यान बाहेरगावी गेले असता ही घटना घडली. अज्ञात चोरट्यांनी बंद घराचे कुलूप तोडून स्टोअर रूममधील कपाटात ठेवलेली ७० हजाराची रोकड व सोन्याचांदीचे दागिणे असा सुमारे १ लाख ६ हजार ५०० रूपयांचा ऐवज चोरून नेला. याबाबत अंबड पोलीस ठाण्यात गुन्हा दाखल करण्यात आला असून अधिक तपास उपनिरीक्षक उंडे करीत आहेत.
दुसरी घटना आर्टिलरी सेंटर रोड वरील गोपाळनगर भागात घडली. मोनाली सिध्दार्थ इंगळे (जीवनसागर सोसा.) यांनी फिर्याद दिली आहे. इंगळे व त्याच्या जाऊ अनिता या दोघी गेल्या सोमवारी (दि.२०) दुपारच्या सुमारास अल्पावधीसाठी इमारतीत घरगुती साडी विक्री करणाºया महिलेच्या घरी गेल्या असता ही घटना घडली. घरात कुणी नसल्याची संधी साधत अज्ञात चोरट्यानी घराची कडी उघडून बेडरूममधील कपाटात ठेवलेले सोन्याचांदीचे दागिणे व महत्वाचे कागदपत्र असा सुमारे २२ हजाराचा ऐवज चोरून नेला. याबाबत उपनगर पोलीस ठाण्यात गुह्याची नोंद करण्यात आली असून अधिक तपास हवालदार बरेलीकर करीत आहेत.
