नाशिक (इंडिया दर्पण वृत्तसेवा)- भरधाव दुचाकीवरून पडल्याने २४ वर्षीय तरूणाचा मृत्यू झाला. हा अपघात सिडकोतील शिवाजीचौक परिसरात झाला होता. याप्रकरणी अंबड पोलीस ठाण्यात मृत्यूची नोंद करण्यात आली आहे.
ऋषीकेश सुदाम नंद (२४ रा.चेहडी नाशिक) असे मृत दुचाकीस्वाराचे नाव आहे. नंद रविवारी (दि.५) रात्री सिडको भागात गेला होता. रात्री सव्वा दहाच्या सुमारास तो आपल्या दुचाकीवर परतीच्या प्रवासाला लागला असता ही घटना घडली. लेखानगर येथील मॉडर्न स्कूल भागात भरधाव दुचाकीवरून तो पडला होता.
या घटनेत त्यास गंभीर दुखापत झाल्याने त्यास जिल्हा रूग्णालयातून खासगी रूग्णालयात हलविण्यात आले होते. सोमवारी दुपारी उपचार सुरु असतांना डॉ. प्रसाद सोनवणे यांनी त्यास तपासून मृत घोषीत केले. अधिक तपास हवालदार देशमुख करीत आहेत.
