नाशिक (इंडिया दर्पण वृत्तसेवा)- चौथ्या मजल्यावरून पडल्याने ४२ वर्षीय परप्रांतीय मजूराचा मृत्यू झाला. ही घटना चेहडी पंपीग येथील मातृछाया बांधकाम साईटवर घडली असून याप्रकरणी नाशिकरोड पोलीस ठाण्यात मृत्यूची नोंद करण्यात आली आहे.
छोटेलाल सुग्रीव कोल (मुळ रा.मध्यप्रदेश हल्ली वडाळागाव ) असे मृत मजूराचे नाव आहे. कोल शुक्रवारी (दि.१३) चेहडी पंपीग भागात नव्याने सुरू असलेल्या मातृछाया या बांधकाम साईटवर काम करीत असतांना ही घटना घडली. दुपारच्या सुमारास तो चौथ्या मजल्यावर काम करीत असतांना अचानक तोल गेल्याने तो जमिनीवर कोसळला होता.
या घटनेत गंभीर दुखापत झाल्याने सुपरवायझर चेतन लखन यांनी त्यास तात्काळ जिल्हा रूग्णालयात दाखल केले असता वैद्यकीय सुत्रांनी तपासून मृत घोषीत केले. अधिक तपास हवालदार सानप करीत आहेत.
