नाशिक (इंडिया दर्पण वृत्तसेवा) – बाथरूममध्ये पाय घसरून पडल्याने ४९ वर्षीय व्यक्तीचा मृत्यू झाला. डोक्यास वर्मी मार लागल्याने ही घटना घडली असून याप्रकरणी उपनगर पोलीस ठाण्यात मृत्यूची नोंद करण्यात आली आहे.
जितेंद्र रमेश चटोलो (रा.मनपा बिल्डींग,उपनगर) असे मृत इसमाचे नाव आहे. चटोलो बुधवारी (दि.२७) सकाळी बाथरूममध्ये आंघोळीसाठी गेले असता ही घटना घडली. अचानक पाय घसरून पडल्याने त्यांच्या डोक्यास गंभीर दुखापत झाली होती. मुलगा साहिल चटोलो यांनी त्यांना तातडीने बेशुध्द अवस्थेत बिटको हॉस्पिटल मध्ये दाखल केले असता वैद्यकीय सुत्रांनी उपचारापूर्वी तपासून मृत घोषीत केले. अधिक तास हवालदार पवार करीत आहेत.
…….
पार्क केलेल्या दोन दुचाकी चोरीला
नाशिक (इंडिया दर्पण वृत्तसेवा) – शहर परिसरात मोटारसायकल चोरीची मालिका सुरूच असून वेगवेगळया भागात पार्क केलेल्या दोन दुचाकी चोरट्यांनी पळवून नेल्या. याबाबत आडगाव व सरकारवाडा पोलीस ठाण्यात चोरीचे गुन्हे दाखल करण्यात आले आहेत.
अमृतधाम परिसरातील ज्ञानेश्वर दादाराव जायभावे (रा.तुळजाई अपा.दुर्गानगर विदर्भनगर) यांची पल्सर एमएच १५ सीडी ८४२५ मोटारसायकल गेल्या शुक्रवारी (दि.२२) रात्री त्यांच्या सोसायटीच्या पार्किंगमध्ये लावलेली असतांना ती चोरट्यांनी चोरून नेली. याबाबत आडगाव पोलीस ठाण्यात गुन्हा दाखल करण्यात आला असून अधिक तपास हवालदार जाधव करीत आहेत. दुसरी चोरी मेळा बसस्थानक परिसरात घडली. याबाबत साहेबराव लुकड्या चौधरी (रा.बोरगड,म्हसरूळ) यांनी फिर्याद दिली आहे. चौधरी सोमवारी (दि.२५) मेळा बसस्थानकात गेले होते. पुणे प्लॅटफार्म शेजारी पार्क केलेली त्यांची स्प्लेंडर एमएच १५ डीडी ८२४४ चोरट्यांनी अल्पावधीत चोरून नेली. याप्रकरणी सरकारवाडा पोलीस ठाण्यात गुन्हा दाखल करण्यात आला असून अधिक तपास हवालदार साबळे करीत आहेत.
