नाशिक (इंडिया दर्पण वृत्तसेवा) – दारू पिण्यासाठी पैसे दिले नाही या कारणातून तीन जणांच्या टोळक्याने एकावर कोयत्याने हल्ला केल्याची घटना नाशिकरोड बसस्थानक परिसरात घडली. या घटनेत ३४ वर्षीय युवक जखमी झाला असून याप्रकरणी नाशिकरोड पोलीस ठाण्यात गुन्हा दाखल करण्यात आला आहे.
सुर्या,सनी भाटीया व विकी अंडाबुर्जीवाला अशी गुन्हा दाखल करण्यात आलेल्या संशयितांची नावे आहेत. याबाबत वसीम अल्लाउद्दीन शेख (रा.शिंदे वाडा समोर, विहीतगाव) या युवकाने फिर्याद दिली आहे. शेख शुक्रवारी (दि.२२) पहाटेच्या सुमारास नाशिकरोड बसस्थानक परिसरात तंबाखूची पुडी घेण्यासाठी गेले असता ही घटना घडली. नालंदा हॉटेल समोरील टपरीवर ते पुडी घेण्यासाठी गेले असता परिचीत असलेल्या संशयितांनी त्यांना गाठले.
या ठिकाणी संशयितांनी शेख याच्याकडे दारू पिण्यासाठी पैश्यांची मागणी केली. मात्र शेख यांनी पैसे देण्यास नकार दिल्याने संशयितांनी त्यांना शिवीगाळ केली. याघटनेत विकी नामक तरूणाने वसिम शेख यास पकडून ठेवले असता सुर्याने त्याच्यावर कोयत्याने वार केले. अधिक तपास उपनिरीक्षक बनकर करीत आहेत.
