नाशिक (इंडिया दर्पण वृत्तसेवा)- दुचाकीने प्रवास करीत असतांना चक्कर येऊन पडल्याने ५९ वर्षीय व्यक्तीचा मृत्यू झाला. हा अपघात वडाळा शिवारात झाला. याप्रकरणी इंदिरानगर पोलीस ठाण्यात मृत्यूची नोंद करण्यात आली आहे.
दत्तात्रेय नथू दुसाने (रा.केवलपार्क अंबड लिंकरोड) असे मृत दुचाकीस्वाराचे नाव आहे. दुसाने बुधवारी (दि.२०) सकाळच्या सुमारास नाशिकरोडच्या दिशेने आपल्या दुचाकीवर प्रवास करीत असतांना ही घटना घडली. इंदिरानगर मार्गे नाशिकरोडच्या दिशेने भरधाव वेगात जात असतांना वडाळागावातील मदिना हॉटेल समोर अचानक धावत्या दुचाकीवर चक्कर आल्याने ते पडले होते.
या घटनेत ते बेशुध्द झाल्याने मुलगा सतिश दुसाने यांनी त्यांना तात्काळ जिल्हारूग्णालयात दाखल केले असता वैद्यकीय सुत्रांनी मृत घोषीत केले. अधिक तपास हवालदार खरोटे करीत आहेत.
