नाशिक (इंडिया दर्पण वृत्तसेवा)- पोळी खाऊ घालत असतांना गायीने धडक दिल्याने ८७ वर्षीय जेष्ठ नागरीकाचा मृत्यू झाला. ही घटना जत्रा हॉटेल परिसरातील कोणार्क नगर भागात घडली असून याप्रकरणी आडगाव पोलीस ठाण्यात मृत्यूची नोंद करण्यात आली आहे.
तुकाराम रामभाऊ डांगे (रा.शिववाटीका रो हाऊस कोणार्क नगर २) असे मृत वृध्दाचे नाव आहे. डांगे मंगळवारी (दि.१९) सकाळी घर परिसरात भटक्या गायींना पोळी खाऊ घालत असतांना ही घटना घडली. घाई गर्दीत एका गाईने त्यांना धडक दिल्याने ते जखमी झाले होते. मुलगा बापू डांगे यांनी त्यांना तात्काळ मेडिकल कॉलेज येथे दाखल केले असता उपचार सुरू असतांना डॉ. राधीका वटमवार यांनी त्यांना तपासून मृत घोषीत केले.
याबाबत डॉ. प्राजक्ता देवरे यांनी दिलेल्या खबरीवरून पोलीस दप्तरी मृत्यूची नोंद करण्यात आली असून अधिक तपास हवालदार महाजन करीत आहेत.
