नाशिक (इंडिया दर्पण वृत्तसेवा)– हॉटेलमध्ये थांबलेल्या महिलेची सोन्याची सोनसाखळी भामट्यांनी हातोहात लांबविली. ही घटना मुंबईनाका परिसरातील सेव्हन स्काय हॉटेल येथे घडली. याप्रकरणी मुंबईनाका पोलीस ठाण्यात चोरीचा गुन्हा दाखल करण्यात आला आहे.
स्नेहल गजानन यादव (रा.सिल्क मिल कॉलनी,रेल्वेस्टेशन मागे) यांनी याबाबत फिर्याद दिली आहे. यादव कुटूबिय कामानिमित्त शहरात मुक्कामी आले होते. रविवारी (दि.१७) सकाळच्या सुमारास ही घटना घडली. मुंबईनाका भागातील हॉटेल सेव्हन स्काय येथील रूम नं. ३०४ मध्ये कुटूंबिय थांबलेले असतांना चोरट्यांनी स्नेहल यादव यांची सुमारे १ लाख १० हजार ४०० रूपये किमतीची सोनसाखळी हातोहात लांबविली. अधिक तपास हवालदार टेमगर करीत आहेत.
२३ वर्षीय विवाहीतेची आत्महत्या
नाशिक (इंडिया दर्पण वृत्तसेवा)- आनंदनगर भागात राहणा-या २३ वर्षीय विवाहीतने गळफास लावून घेत आत्महत्या केली. सदर महिलेच्या आत्महत्येचे कारण समजू शकले नाही. याप्रकरणी उपनगर पोलीस ठाण्यात मृत्यूची नोंद करण्यात आली आहे.
ऋतुजा विररत्न आहिरे (रा.गुरूदर्शन अपा.आनंदनगर) असे मृत महिलेचे नाव आहे. आहिेरे यांनी रविवारी (दि १७) रात्री अज्ञात कारणातून आपल्या राहत्या घरात गळफास लावून घेतला होता. ही बाब निदर्शनास येताच सासू भारती आहिरे यांनी त्यांना तात्काळ जयराम हॉस्पिटल येथे दाखल केले असता उपचार सुरू असताना डॉ. अनिस मित्तल यानी तपासून मृत घोषीत केले. यााबाबत मनिष छाजेड यांनी दिलेल्या खबरीवरून पोलीस दप्तरी मृत्यूची नोंद करण्यात आली असून अधिक तपास हवालदार संतोष गोसावी करीत आहेत.
