नाशिक (इंडिया दर्पण वृत्तसेवा) – पेठरोडवरील शरदचंद्र पवार मार्केट यार्डात भामट्यांनी सुमारे साडे तीन लाख रूपये किमतीचा लसून चोरून नेला आहे. याप्रकरणी पंचवटी पोलीस ठाण्यात गुन्हा दाखल करण्यात आला आहे.
तुषार माणिक कानकाटे (रा. मंडलिक मळा,मखमलाबादरोड) यांनी फिर्याद दिली आहे. कानकाटे यांचा कांदा बटाटा व लसून खरेदी विक्रीचा व्यवसाय आहे. शरदचंद्र मार्केट यार्डात त्यांचे दुकान वजा गोडावून असून या ठिकाणी ते खरेदी विक्री व्यवसाय सांभाळतात.
गेल्या रविवारी (दि.१०) रात्री ही घटना घडली. अज्ञात चोरट्यांनी त्यांच्या बंद दुकानाचे शटर तोडून गाळयातील सुमारे ३ लाख ५० हजार रूपये किमतीच्या व १ हजार १०० किलो वजनाच्या २२ लसणाच्या गोण्या चोरून नेल्या. अधिक तपास हवालदार मालसाने करीत आहेत.
