नाशिक (इंडिया दर्पण वृत्तसेवा)– हात उसनवार घेतलेल्या आर्थिक कारणातून एकाने पतीस मारहाण करीत महिलेचा विनयभंग केल्याची घटना जेलरोड भागात घडली. या घटनेत पैसे देत नाही तो पर्यंत कार मिळणार नाही असे म्हणत संशयित कार घेवून गेल्याचा आरोप फिर्यादीत करण्यात आला आहे. याबाबत उपनगर पोलीस ठाण्यात विनयभंगासह विविध कलमान्वये गुन्हा दाखल करण्यात आला आहे.
गणेश लोखंडे (३०) असे गुन्हा दाखल करण्यात आलेल्या संशयिताचे नाव आहे. नारायण बापू नगर भागात राहणा-या पीडितेने याबाबत फिर्याद दिली आहे पिडीतेच्या पतीचा मोबाईल खरेदी विक्रीचा व्यवसाय आहे. पीडित दांम्पत्याने व्यवसायासाठी संशयिताकडून हात उसनवार काही रक्कम घेतली होती. संशयिताने रविवारी (दि.३) दांम्पत्याचे घर गाठून पैश्यांची मागणी केली. यावेळी त्याने पतीस मारहाण करीत महिलेस अश्लिल शिवीगाळ व दमदाटी केली.
तसेच महिलेचा हात पकडून विनयभंग केला. यावेळी त्याने दांम्पत्याची सोसायटीच्या पार्किंगमध्ये लावलेली वरणा कार बळजबरीने घेवून गेला. पैसे देत नाही तो पर्यंत कार मिळणार नाही अशी धमकीही त्याने दिल्याचे तक्रारीत नमुद करण्यात आले आहे. अधिक तपास उपनिरीक्षक सोनवणे करीत आहेत
