नाशिक (इंडिया दर्पण वृत्तसेवा)- भरधाव दुचाकीने दिलेल्या धडकेत ५५ वर्षीय महिला ठार झाली. हा अपघात औद्योगीक वसाहतीतील ग्लेनमार्क कंपनी भागात झाला होता. उपचारादरम्यान महिलेचा मृत्यू झाला याबाबत सातपूर पोलीस ठाण्यात मृत्यूची नोंद करण्यात आली आहे.
अलका कैलास बनसोडे (५५ रा.शिवाजीनगर सातपूर) असे मृत महिलेचे नाव आहे. बनसोडे मंगळवारी (दि.२९) औद्योगीक वसाहतीतून आपल्या घराकडे पायी जात असतांना हा अपघात झाला. ग्लेनमार्क कंपनीच्या पाठीमागील रस्त्यावर भरधाव दुचाकीने धडक दिल्याने त्या गंभीर जखमी झाल्या होत्या.
मुलगा अविनाश बनसोडे यांनी त्यांना कराड हॉस्पिटल मार्फत जिल्हारूग्णालयात दाखल केले असता वैद्यकीय सुत्रांनी तपासून मृत घोषीत केले. अधिक तपास हवालदार घारे करीत आहेत.
